Sanoq sistemalari farqi: Son, raqam va qiymat
Sanoq sistemalarini o‘rganishga kirishishdan oldin, eng avvalo son, raqam va qiymat kabi asosiy tushunchalarni to‘g‘ri anglab olish zarur. Ushbu tushunchalar ko‘pincha chalkashtirib yuboriladi, biroq ularning har biri o‘ziga xos va sanoq sistemalarini to‘g‘ri tushunishda muhim ahamiyatga ega. Biroq ularni farqini tushunib olish pozitsion sanoq sistemalarini o‘rganishda muhimdir. Ushbu maqolada biz bu uch tushunchani batafsil ko‘rib chiqamiz va ularning farqlarini tushuntiramiz.
Son nima?
Son — bu qiymatni, tartibni yoki holatni ifodalovchi matematik tushuncha. Masalan, “7” soni yetti dona ob’yektni yoki yettinchi tartibdagi elementni ifodalashi mumkin. Son — bu abstrakt tushuncha bo‘lib, uni yozish yoki ifodalash uchun biz raqamlardan foydalanamiz.
Raqam nima?
Raqam — bu sonni yozishda ishlatiladigan belgidir. Masalan, o‘nlik sanoq sistemasida 10 ta raqam bor: 0, 1, 2, 3, 4, 5, 6, 7, 8, 9. Sonlar bir yoki bir nechta raqamlarning ketma-ketligidan tashkil topadi. Masalan, 23 soni — ikki raqamdan (2 va 3) tashkil topgan.
Qiymat nima?
Qiymat — bu son bilan ifodalangan narsalarning aniq soni yoki hajmidir. Masalan, “5” soni beshta olmani bildiradi — bu qiymat. Son — bu abstrakt tushuncha bo‘lsa, qiymat — bu real hayotdagi o‘lchash, sanash yoki hisoblash natijasida olingan natijadir. Qiymat moddiy yoki aniq ko‘rinadigan narsalarga taalluqli bo‘ladi.
Xulosa:
- Son — bu matematik tushuncha, u qiymat yoki tartibni bildiradi.
- Raqam — bu sonni yozish uchun ishlatiladigan belgi.
- Qiymat — bu son orqali ifodalangan real hajm yoki birliklar soni.
Sanoq sistemalarini o‘rganishda bu uch tushunchani aniq ajratib olish muhim, chunki turli sanoq sistemalarida bir xil son turli raqamlar bilan yozilishi mumkin, ammo ifodalayotgan qiymat bir xil qoladi.